ბავშვთა თხილამურის და სნოუბორდის სკოლა

ბავშვთა სათხილამურო და სნოუბორდ სკოლის ხშირად დასმული კითხვები

• რომელი ასაკიდან შეუძლიათ ბავშვებს ჯგუფურ გაკვეთილებზე დასწრება?

  მინიმალური ასაკი დილის ჯგუფური სათხილამურო გაკვეთილებისთვის არის 5 წელი, ხოლო სათხილამურო ბანაკისთვის 8 წელი. თხილამურებით სრიალი სახალისოა, თუმცა 5 წლამდე ასაკის ბავშვისთვის ეს შეიძლება იყოს ფიზიკურად და გონებრივად რთული, ამიტომ მათთვის ჩვენ გთავაზობთ ინდივიდუალურ სათხილამურო გაკვეთილებს , რათა მათ ქონდეთ მეტი ყურადღება და ზრუნვა, ის რაც სჭირდებათ სწავლის დროს.

  მინიმალური ასაკი დილის ჯგუფური სნოუბორდის გაკვეთილებისთვის არის 7 წელი. 5 და 6 წლის ბავშვებისთვის გთავაზობთ ინდივიდუალურ სნოუბორდის გაკვეთილებს , რათა მათ ქონდეთ მეტი ყურადღება და ზრუნვა. როგორც წესი თხილამურით სრიალის სწავლა პატარა ბავშვებისთვის უფრო მარტივია, ვიდრე სნოუბორდი, ამიტომ თხილამურით სრიალის შესწავლა იწყება უფრო პატარა ასაკიდან.

• რამდენი ბავშვი იქნება ჯგუფში?
  უსაფრთხოების სტანდარტების უზრუნველსაყოფად, ჯგუფურ სათხილამურო/სნოუბორდის გაკვეთილებზე მაქსიმუმ 6 მოსწავლე დაიშვება.
• რა მოხდება, თუ არ იქნება საკმარისი ბავშვები ჯგუფური გაკვეთილებისთვის?
  გაკვეთილები, მხოლოდ 1 მონაწილით, ჩატარდება შემცირებული დროით, 1,5 საათი (3 საათის ნაცვლად) და 3 საათი (6 საათის ნაცვლად) ლანჩის გარეშე. ჯგუფები 2 ან მეტი მონაწილით იმუშავებენ მთელი ხანგრძლივობით.
• რისგან შედგება სკოლის დღე?

  მონაწილეები შეხვედრის ადგილზე 9:40 საათზე უნდა გამოცხადდნენ. დილის გაკვეთილები იწყება 10:00-ზე, გაკვეთილის ხანგრძლივობა - 3სთ (საჭიროების შემთხვევაში მცირე შესვენებით). გთხოვთ თქვენს შვილებს გამოატანოთ საჭმელი წახემსებისთვის, რადგან ზამთრის სპორტი თოვლში არის დამღლელი, მათ ჭირდებათ ენერგიის აღდგენა. ბავშვების წასაყვანად გამოცხადდით 13:00-ზე, შეხვედრის იმავე ადგილზე.

  სათხილამურო ბანაკის გაკვეთილები იწყება 10:00-ზე, გაკვეთილის ხანგრძლივობა 6სთ, ლანჩის შესვენებით (საჭიროების შემთხვევაში, მცირე დილისა და საღამოს შესვენებები). გთხოვთ თქვენს შვილებს გამოატანოთ საჭმელი წახემსებისთვის. ბავშვების წასაყვანად გამოცხადდით 16:00-ზე, შეხვედრის იმავე ადგილზე.

  ჩვენი, მომთმენი და პროფესიონალი ინსტრუქტორები დაეხმარებიან თქვენს შვილებს სრიალის საფუძვლების შესწავლაში. გაკვეთილები მორგებულია ბავშვების საჭიროებებზე და ადაპტირებულია მათი შესაძლებლობების მიხედვით. არცერთი გაკვეთილი არ არის იგივე, ყოველი დღე იქნება ახალი და საინტერესო გამოწვევა, რათა ბავშვებმა გააუმჯობესონ თავიანთი უნარები და შეისწავლონ ახალი უნარჩვევები მშვიდ, დაცულ და მხიარულ გარემოში.

• რომელ სათხილამურო დონეზეა ჩემი შვილი?
  გთხოვთ, შეამოწმოთ ჩვენი Level Finderთქვენი შვილის დონის შესაფასებლად. ჩვენ გვესმის, რომ შესაძლებლობების/დონის შეფასება ძნელია არაპროფესიონალებისთვის, თუმცა გთხოვთ ნუ შევაფასებთ ბავშვების შესაძლებლობლებს გადამეტებულად, რადგან ამან შეიძლება დაწიოს მათი თავდაჯერებულობა.
• როგორ ხდება ჯგუფების გადანაწილება?
  ბავშვები ჯგუფში ნაწილდებიან მათი შესაძლებლობების და ასაკის მიხედვით. ჯგუფში მოსწავლეების მაქსიმალური რაოდენობა არ აღემატება 6 მოსწავლეს. პირველი გაკვეთილის დასაწყისში, ჩვენი ინსტრუქტორები შეაფასებენ მოსწავლეების შესაძლებლობებს და უნარებს, რათა ყველა ბავშვი მოხვდეს შესაფერის ჯგუფში. ყველა მოსწავლე ითვისებს ახალ უნარებს სხვადასხვა ტემპით, ამიტომ დროდადრო მოხდება ჯგუფში მოსწავლეების შეცვლა, რათა დავრწმუდეთ რომ თქვენი შვილი არის სწორ დონზე.
• შეიძლება თუ არა ჩემი შვილი იყოს იმავე ჯგუფში, რომელშიც მისი მეგობრები/ნათესავები არიან?
  ჯგუფი იყოფა მოსწავლეების შესაძლებლობების და დონის მიხედვით, ასე რომ თუ მოსწავლეები არიან ერთიდაიმავე დონეზე, მაშინ ჩვენ გავაკეთებ ყველაფერს, რათა ისინი მოხვდნენ ერთ ჯგუფში. თუ მათი დონე განსხვავებულია, ისინი მოხვდებიან სხვადასხვა ჯგუფში, რათა უზრუნველყოფილი იყოს მაქსიმალური პროგრესი.
• სჭირდებათ თუ არა ბავშვებს საბაგიროს ბილეთების შეძენა, თუ ისინი ჯგუფურ გაკვეთილებში მონაწილეობენ?
  დიახ, 7 წელზე უფროსი ასაკის ბავშვებს სჭირდებათ საბაგიროს ბილეთები. საბაგიროს ბილეთები არ შედის გაკვეთილის საფასურში, გთხოვთ შეიძინოთ ბილეთები წინასწარ, გაკვეთილების დაწყებამდე.
• სად შემიძლია მივიღო საჭირო სათხილამურო/სნოუბორდის აღჭურვილობა?
  სქი გუდაურს აქვს 4 გაქირავება, სადაც შეგიძლიათ ყველა თქვენთვის საჭირო აღჭურვილობის მიღება. აღჭურვილობის გაკვეთილებთან ერთად შეძენის შემთხვევაში თქვენ შეგიძლიათ ისარგებლოთ დიდი ფასდაკლებით. გაითვალისწინეთ, რომ აღჭურვილობის მორგებას სჭირდება დრო. შესარჩევად გთხოვთ მობრძანდეთ გავკეთილის დაწყებამდე, დაახლოებით ერთი საათით ადრე. აღჭურვილობის შერჩევა შეგიძლიათ ასევე წინა საღამოს.
• რაც შეეხება უსაფრთხოებას?
  თქვენი ბავშვის უსაფრთხოება ჩვენი უმთავრესი პრიორიტეტია. ჩვენი ინსტრუქტორები სპეციალურად არიან მომზადებულნი, რათა უზრუნველყონ თქვენი ბავშვების მაქსიმალური უსაფრთხოება სწავლის დროს. გაკვეთილების დროს ყველა ბავშვი ატარებს ჩაფხუტს და სპეციალურ საიდენტიფიკაციო მაისურებს, რათა ისინი ადვილად ამოსაცნობები იყვნენ ფერდობზე. ჩვენი ინსტრუქტორები ასწავლიან თქვენს შვილებს უსაფრთხო სრიალს, სწავლის მეთოდი სპეციალურად არის შერჩეული მოსწავლეების შესაძლებლობების მიხედვით.
• რა უნდა ეცვათ ბავშვებს გაკვეთილების დროს?
  მთაში ამინდი ცვალებადია, მთის მწვერვალზე შუა ზამთარში ტემპერატურა შეიძლება იყოს - 20 გრადუსზე დაბალი, ხოლო გაზაფხულზე ტემპერატურამ შეიძლება +20 გრადუსს მიაღწიოს. ამიტომ გირჩევთ ყოველ დილით გადაამოწმოთ ამინდის პროგნოზი და ამის მიხედვით ჩააცვათ ბავშვებს. როგორი ამინდიც არ უნდა იყოს, აუცილებელია წყალგაუმტარი ქურთუკი და შარვალი, წყალგაუმტარი ხელთათმანი, მზის სათვალე და მზისგან დამცავი საშუალება. თხილამურის/სნოუბორდის ფეხსაცმლისთვის, საჭიროა მაღალი სათხილამურო წინდები, რომელიც უზრუნველყოფს მეტ კომფორტს და დაცვას. ასევე ჩაფხუტი რომელიც აუცილებელია 17 წლამდე ყველა ბავშვისთვის.
• მიიღებს თუ არა ჩემი შვილი ჯილდოს კურსის ბოლოს?
  ჩვენი მიზანი არ არის მხოლოდ მოსწავლეების უსაფრთხოება და თხილამურებით სრიალის გაუმჯობესება/შესწავლა, ჩვენ გვსურს მივცეთ მათ დასამახსოვრებელი მოგონებები, რომელიც მთელი ცხოვრება გასტანს. მათი მიღწევების და პროგრესის საჩვენებლად, ყველა მონაწილე კურსის ბოლოს მიიღებს სერთიფიკატს და სამკერდე ნიშანს.
• თანხის დაბრუნების პოლიტიკა
  გაკვეთილების საფასური არ ბრუნდება ამინდის მიზეზის გამო, ასევე თუ ბავშვს არ სურს გაკვეთილზე დასწრება ან თავს ცუდათ გრძნობს. დამატებითი ინფორმაციისთვის გთხოვთ გადახედოთ სქი გუდაურის წესებს და პირობებს.